Wednesday, 9 May 2018

ശ്രീ രാമകൃഷ്ണ ഉപനിഷാദ് (പുസ്തക വായന)

ജീവിതത്തിന്റെ മധുരം അറിഞ്ഞ മഹാന്മാർ നമ്മുടെ വായനയെ സമ്പന്നമാക്കിയിട്ടുണ്ട്. ആ കൂട്ടത്തിൽ ഒരാൾ ആണ് ശ്രീ രാമകൃഷ്ണ പരമഹംസർ. അദ്ദേഹത്തിന്റെ ജീവിത ദർശനത്തിന്റെ അടയാളപ്പെടുത്തലാണ് സി. രാജഗോപാലാചാരിയുടെ ശ്രീ രാമകൃഷ്ണ ഉപനിഷാദ്. അദ്ദേഹം  കൽക്കി എന്ന വാരികയിൽ  എഴുതിയ  ലേഖനങ്ങളാണ്  ഇതിന്റെ  ഉള്ളടക്കം. 

ഈ പുസ്തകം 34 പാഠങ്ങളായി ക്രമീകരിച്ചിരിക്കുന്നു. ഓരോ ഭാഗവും കൈകാര്യം ചെയ്യുന്ന ആശയം രസകരമായ കഥകളിലൂടെ വിശദീകരിക്കുന്നു. ഏതു തരം ബൗദ്ധിക  നിലയിൽ ഉള്ളവർക്കും മനസിലാകുന്ന ലളിതമായ ആശമാണ് ഓരോ കഥയും ഉൾകൊള്ളുന്നത്. 80 പേജ് ഉള്ള പുഷ്തകം കുറഞ്ഞ സമയം മാത്രമേ വായനക്കാരിൽ  ആവശ്യപ്പെടുന്നുള്ളൂ എങ്കിലും, സാവധാനം വായിക്കുന്നത് ഓരോ ആശയത്തിനും ആവശ്യത്തിനു  ചിന്തക്ക് ഇടനൽകും.
മനുഷ്യ  ജ്ഞാനത്തിന്റെ  ശരിയായ  ദിശയിലേക്കു  നയിക്കാൻ  ഈ  അറിവിന്റെ  പ്രകാശത്തിനു  കഴിയും. കമലയുടെ  കണ്ണാടി  എന്ന ഭാഗത്തു  നിർമ്മലമായ ഹൃദയം കൊണ്ട് ഭഗവത്  ദർശനത്തിന്റെ  വഴി  കാട്ടിത്തരുന്നു. സങ്കീർണമായ  വേദാന്തത്തെക്കാൾ  സാധാരണമനുഷ്യന്  ഉപയോഗമുള്ള  പ്രാവർത്തിക  സത്യങ്ങൾ വിശദീകരിക്കുകയാണ്  അദ്വൈതവാദത്തിൽ. മനഃശുദ്ധി, പുതുജന സേവനം, ഭക്തി, മാതൃത്വം, വേദാന്തം, തുടങ്ങി  നിരവധി വിഷയങ്ങൾ ഓരോ ഭാഗത്തും ലളിത ദർശനങ്ങളായി  ഉൾച്ചേർത്തിരിക്കുന്നു.

മിനിസ്തീയുടെ  വിവർത്തനം  ആത്മീയതക്ക് ഭാവം ചോരാതെയുള്ള പ്രയോഗങ്ങളും ഒരു തീർത്ഥ സ്ഥാനത്തെത്തിയ ആർദ്രത പകരുന്നു. ഈ ആഴ്ചയിലെ വായനാ  അനുഭവം ഈ  പുസ്തകത്തെ  നിത്യ  വായനയുടെ  ശ്രേണിയിലേക്കു  തെരഞ്ഞെടുത്തിരിക്കുന്നു. 

No comments:

Post a Comment