Published in kalakaumudi

അമ്പലം

അമ്പലങ്ങൾ
കൂടുകളായി
ദൈവങ്ങൾ
കല്ലുകളായി
ഇരുളിന്റെ
അർച്ചനയിൽ
മൗനസഹസ്രജപം
പ്രസാദം നൽകാതെ
മയങ്ങിപ്പോയി.

മഴത്തുള്ളിയിൽ

D

വായന- കവിതകളുടെ റിപ്പബ്ലിക്ക്- ശ്രീ ബിനുരാജ്

താൻ ജീവിച്ച ലോകത്തിലെ കാഴ്ചകളെയും വായനയെയും ഭാവനയുടെ ചിറകിലേറ്റി പുനർവായന നടത്തുകയാണ് ബിനുരാജിന്റെ 'കവിതയുടെ റിപ്പബ്ലിക്ക്' എന്ന കവിതാസമാഹാരം. ജീവിത സഞ്ചാരത്തിന്റെ വൈവിധ്യമാർന്ന ചിത്രങ്ങൾ കവിതയിലൊരുങ്ങുമ്പോൾ,അവ സംസ്കാരത്തിന്റെയും ആധുനികതയുടെയും പൊള്ളുന്ന തീഷ്ണത വായനകാരിലേക്കു പകരുന്നുണ്ട്. ഇന്നലെകളിൽ വിഷമിച്ചിരിക്കുന്നവന്റെ മുന്നിൽ പെട്ടന്ന് വന്ന മഴയിൽ എല്ലാം മറന്ന് നനയുന്നതിന്റെ കുളിർമയുണ്ട് ഈ വായനാ അനുഭവത്തിന്‌.

എന്റെ മകൻ പഠിക്കാൻ പോകുന്നത്
എന്നെപ്പോലെ നടന്നിട്ടല്ല, സന്തോഷം
പക്ഷേ, മാഷേ
സ്കൂളിലേക്കുള്ള വഴിയും
പഠിക്കാനുള്ളതല്ലേ.....
(സ്കൂളിലേക്കുള്ള വഴി)

ഈ വരികളിൽ കണ്ടു മാഞ്ഞ ഒരു ചിത്രമുണ്ട്. വളരെ ലളിതമായ ഭാഷയിലൂടെ വരച്ചിടുന്ന ചിത്രത്തിൽ അസാധാരണമായ ഒരു അർത്ഥ മൂർച്ചയുണ്ട്. ആധുനികതയിൽ സന്തോഷിക്കുന്നതിനൊപ്പം നഷ്ടത്തിന്റെ ഒരു ഓർമപ്പെടുത്തൽ കൂടി അടയാളപ്പെടുത്തുന്നു.

'കവിതയുടെ റിപ്പബ്ലിക്ക്' എന്ന കവിത ഒരു മനോഹരമായ വായന അനുഭവമാണ്. ആധുനിക രാഷ്ട്രീയ മൈതാനത്തിൽ മുഖം മൂടിയിട്ട് മുദ്രാവാക്യം മുഴക്കുന്ന രാഷ്ട്രീയ 'പത്രാസുകൾ' തുറന്നു കാട്ടുകയാണ് ഈ രചന.

പഠിത്തത്തിലും കലയിലുമൊന്നും
മിടുക്ക് ഇല്ലാതിരുന്ന
കർഷകന്റെ മകൻ
ഇന്നും
പാടത്ത്, ഒറ്റക്കാണ്
എന്ന 'കൃഷിപാഠത്തിലെ' വരികൾ പാടവരമ്പിലൂടെ നടക്കുന്ന കാലത്തോടുള്ള കലഹമാണ്. ഒറ്റപ്പെടലിനോട്.... സ്വാർത്ഥതയോടെ നടന്നു അകലുന്ന ആധുനികതയോട്....

മൂന്ന് ബുധശിഷ്യന്മാർ എന്ന കവിതയിൽ സാമൂഹിക വൈവിധ്യം മനുഷ്യ വ്യവഹാരങ്ങളിൽ പ്രതിഫലിക്കുന്നത് എങ്ങനെ എന്നു കാട്ടിത്തരുന്നു.

മറ്റൊരു ശ്രദ്ധേയയമായ കവിതയാണ് 'വായിച്ചുതീർന്ന പുസ്തകം'. പുസ്തകം ചില്ലിട്ട മനോഹാരിത മാത്രമല്ല.... അവക്ക് പറയാൻ ഒരു പാട് അനുഭവം ഉണ്ട്....

വാകീറിയ ദൈവം ഇരയല്ല
ചിരിയാണ് കരുതിവെച്ചത്

ചിരി എന്ന കവിതയിലെ വരികളാണ് ഇത്. ചിരിയുടെ ചന്തവും ചിന്തയും മാത്രമല്ല ചരിത്രം കൂടി ഇതിൽ വരച്ചിട്ടിരിക്കുന്നു. ചിരി എന്ന് പേരിട്ട ആ കോളേജ് പയ്യൻ വായിച്ചു തീർന്നാലും ചിരി നിർത്തില്ല...

വായനക്കിടയിൽ മാറ്റൊലി കൊണ്ട ചില അനുഭവങ്ങളാണ് ഇവിടെ കുറിച്ചത്. ഈ സമാഹാരത്തിൽ 22 കവിതകളാണ് ഉള്ളത്. ഓരോന്നും നല്ലൊരു വായന അനുഭവം ആയിരുന്നു. ബിനുരാജിന് ഒരായിരം ആശംസകൾ.

വായനയുടെ ലോകത്തിൽ ഏറെ സഞ്ചരിച്ച, ആധുനികതയെ തുറന്ന മനസ്സോടെ ഉൾകൊള്ളുന്ന, പഴമയെ ലാളിക്കുന്ന, ഭാവനാ സമ്പന്നനായ ഒരു ഏകാകിയുണ്ട് ഈ കവിതകളിൽ. അയാളുടെ ആഴമുള്ള കാഴ്ചയും പാട്ടും നമ്മുടെ ജീവിതത്തിലെ വ്യഥകൾക്കും, അലച്ചിലുകൾക്കും, വേട്ടയാടലുകൾക്കും ഒരു ഉത്തരമായിരിക്കും.

ഇന്നി: ഈ കവിതാ സമാഹാരത്തിന്റെ പുറം ചട്ട പ്രശംസ അർഹിക്കുന്നു. പേരിനു ചേരുന്ന ഒരു കലാ കിരീടം.

ശൂന്യം

ഇന്നി അകത്ത്‌.....

പൂട്ടി

നന്ദി

വെട്ടം കാക്കുന്ന നക്ഷത്രങ്ങളേ
നിങ്ങൾ വരച്ച വട്ടമാണ് ലോകം

വര

സ്മാരകം

എന്റെ പ്രണയ സ്മാരകത്തിൽ
ഞാൻ ഒരു പൂ അർപ്പിച്ചു
ഇപ്പോഴും അതൊരു
റോസാ പൂ തന്നെ!!!!

പരീക്ഷ

അക്ഷരങ്ങൾ മുറുക്കി
തുപ്പിയ മുറ്റത്തു
അമ്പിളി, മുഖം
നോക്കി രസിക്കുമ്പോൾ
എന്റെ രാത്രി വിളക്ക്
കൊളുത്തി വെച്ച്
പരീക്ഷ കാവലിരുന്നു

പാവിരിച്ചു ആലസ്യം
പൂണ്ടു കിടന്ന
മോട്ടിന്റെ വിടവിലൂടെ
ഒരു സ്വപ്നത്തിന്റെ
ഗന്ധം കട്ട്
ഉദയം, പടിഞ്ഞാറ് നോക്കി
ഉന്മാദം കുഴിച്ചിട്ടു.

വിപ്ലവം

എന്റെ കീശകീറി
കൊടി കട്ട്
വിപ്ലവം ജനിക്കുന്നു
സ്മാരകങ്ങൾക്കു
കല്ലു ചുമന്ന വഴിയിലൂടെ
വെടിമരുന്ന്‌ ചുമക്കുന്നു

തിരക്ക്

ഒരേ പാളത്തിലൂടെ
അങ്ങോട്ടും ഇങ്ങോട്ടും
ഓടുന്ന തിരക്കുകൾ
തീപിടിച്ചും താളംപിടിച്ചും
തോരാതെ തീരങ്ങൾ
അലയുന്ന നേർച്ചകൾ !!!!

കഥ

എന്റെ കഥ നീ
വായിക്കണം
കാരണം അതിൽ
എന്നെ പോലൊരു
നീയുണ്ട്....

ചായ

പഞ്ചസ്സാരയും തേയിലയും ഇല്ല
എന്നാലും ചായ വേണോ എന്ന്
ഞാൻ ചോദിച്ചു......
ആ ചോദ്യം ഒരു കുടയാണ്....
അഭിമാനം നനയാതെ
തണുത്ത പാൽ കുടിക്കുന്നു....

ചരിത്രം

ചോരകൊണ്ടതിർത്തി
വരച്ച യുദ്ധങ്ങൾ
ചുവന്ന വരയിട്ടു
പഠിച്ച ചരിത്രങ്ങൾ
വേദമോ? വേദനയോ?
പൊയ്ക്കാല് നാട്ടി
സ്മാരകമാക്കുന്നു
സ്മരണകൾ.....

പ്രണയം

ആയിരം കിനാവു കൊണ്ട്
ഒരുക്കിവെച്ച മിഴിനാളങ്ങൾ
പരസ്പരം കൊളുത്തിവെച്ച
നക്ഷത്രങ്ങളായ്....
പ്രണയം തിളങ്ങുന്നു....

ചെറു കവിതകൾ

ഉമ്മ

മകനേ നിനക്കുള്ള
ഉമ്മയാന്റെ ജന്മം
നരയും കരയും കൊണ്ട്
വഴി ചൂട്ടു വീശും... ജന്മം!!!

എന്റെ വര

കല

ആരാച്ചാരുടെ പണി
ഒരു കലയാണത്രെ
അപ്പൊ കലയുടെ
ലക്ഷ്യം..... മരണമോ?

ആന

എന്റെ വീട്ടിൽ
വാങ്ങിയ ആനക്ക്
എന്റെ പേരിട്ടു
അപ്പൊ
മുത്തച്ഛൻ പറഞ്ഞു
തോട്ടി ഒന്നു മതിയല്ലോ

അഴിമതി

അഴിമതിക്ക്
അഴിയുമില്ല
പഴിയുമില്ല
പുക മാത്രമേയുള്ളൂ
മാധ്യമങ്ങൾ
ശ്വസിക്കുന്ന പുക

കാത്തിരിപ്പ്

കാത്തിരിപ്പിൻ
കണ്ണീരു മൂടിയ
നേരം
വാക്കു വിറ്റു
മൗനത്തിലൊരു
നോമ്പ് കുറിച്ചു.

എത്ര കൂട്ടായ്
തണൽ വിരിച്ച്
മിഴി പാകി
ഓർമ്മയിണ ചേരുന്ന
നിന്നോളങ്ങളിൽ
ഒരു നിഴലായി
ലയിച്ചു നീളുമ്പോൾ

കാത്തിരിപ്പ്
കടം ചോദിച്ച
നേരം
ചുബനമിടം
നൽകിയ
ഇമ്പം കൊണ്ടു
വാതു വെച്ചു

എത്രയായി തോരാതെ
മഴ കൊണ്ട് നനഞ്ഞു
തോർത്താതെ
കുളിരിൽ പിടഞ്ഞു
ബാക്കി വെച്ച
കണ്മഷി പടർന്ന
കവിളിൽ
തിരഞ്ഞൊരു
കാലത്തിൻ
ശിഷ്ടം

കാത്തിരിപ്പിൻ
കനൽ വിതറിയ
നേരം

ഒരു മണമാകുന്നു
പിറകോട്ട്
നടന്നവന്റെ
വിയർപ്പിന്റെ
ഗന്ധം
വലഞ്ഞാലും
പിടഞ്ഞാലും
കാതിരിപ്പൊരു
കിനാവ് പോലെ
നിലാവ് പോലെ
വിടർന്ന
ചേലാണ്......

പട്ടം

പട്ടിട്ടുമൂടി പട്ടടയിൽ
വെച്ചു കൊളുത്തിയത്
എന്റെ പട്ടമാണ്
അല്ലാതെ
നഷ്ടമല്ല.....

വെട്ടം

വെട്ടം വന്നിട്ടു
വെട്ടിയാൽ
വെട്ട്
മനസ്സിന്റെ
ഇരുട്ടിലായിരിക്കും

പഠനം

രാമനെ കുറിച്ചു പഠിച്ചു
രാവണനെ കുറിച്ചു പഠിച്ചു
മേഘത്തെ കുറിച്ചു പഠിച്ചു
ഭൂമിയെ കുറിച്ചു പഠിച്ചു
ചിന്തചെന്നതുന്നിടത്തോളം
അറിവെന്നു കുറിച്ചു

വീട്ടുപേര്

എന്റെ ദിക്കു തിരിച്ച ഭിത്തിയിൽ
ഞാൻ ഒരു പേരെഴുതി
അതാണ് എന്റെ വീട്ടുപേര്

ബ്ലോക്ക്

9.30 നു ഓഫീസിൽ ഏതാണമെന്നു കരുതി നേരത്തെ ഇറങ്ങി.
പക്ഷെ block കിൽ പെട്ടു.
Block ഒരു പുതുമയല്ല.
Block ഒരു ന്യായമോ വാർത്തയോ അല്ല.
അല്ലേലും punching നു എന്ത് ബ്ലോക്ക്?
അങ്ങനെ ഞാൻ പെട്ടു.....
വണ്ടികൾക്ക് നടുവിൽ വണ്ടിക്കുള്ളിൽ
Ac യുടെ തണുപ്പും.... sterio യുടെ പാട്ടും....
Perfume ഇന്റെ മണവും ഒന്നും ഞാൻ അറിയുന്നില്ല.....
ഇന്ന് താമസിച്ചത് തന്നെ......
ഉള്ളിലെ ചൂടിൽ ഞാൻ വലഞ്ഞു....

ഇന്ന് എന്താണൊരു വഴി...
വാച്ചിലേക്ക് നോക്കി...
സൂചി അതാ ഓടുന്നു....
വെയിൽ കനത്തു തുടങ്ങി...
ഉച്ച വരെ ലീവ് ആക്കിയാലോ???

എന്താണീ നഗരം ഇങ്ങനെ.....
ശ്വാസം മുട്ടുന്നു
ഇന്നി എത്ര നേരം കാക്കണം....

ഒരു വാഹനവും അനങ്ങുന്നുപോലുമില്ല
അടുത്ത വാഹനങ്ങളിലേക്കു നോക്കി
എല്ലാവരും മൊബൈലിൽ ലയിച്ചിരിക്കുന്നു.
ചിലർ വണ്ടി ഓഫ് ചെയ്തു ശാന്തമായി ഇരിക്കുന്നു. ആരും ഹോൻ മുയക്കുന്നു പോലും ഇല്ല. ബ്ലോക്ക് എല്ലാവരെയും മയാക്കിയോ. ബൈക്കുകാർ ഹെല്മറ്റ് ഊരി മടിയിൽ വെച്ച് ചൂടിൽ ഉരുകുന്നു.

സമയം നീങ്ങുന്നു....

അതാ ഒരു സൈറൻ.... എതിർ ദിശയിൽ നിന്നാണാ ശബ്ദം.
ആംബുലൻസ് ആണോ?

അല്ല ഏതോ vip ആണ്
അടുത്തു നിന്ന ബൈക്കുകരൻ പറഞ്ഞു...

അല്പം കൂടി കഴിഞ്ഞപ്പോൾ മുന്നിൽ നിന്നു വാഹനങ്ങൾ അനങ്ങി തുടങ്ങി.

ഹാവൂ.... രക്ഷപെട്ടു....
നഗരം അതാ ചുമച്ചു തുടങ്ങി....
അതിനിടയിൽ വിക്കി വിക്കി ഇങ്ങനെ പറഞ്ഞോ.....

ഇന്നി എന്റെ ശ്വാസം ബ്ലോക്ക് ആകും...